Handballgruppa i Solid vart stifta i 1989, av Håkon Tverborgvik og Egil Espeland m/fleire. Dei ville skapa eit miljø for unge handballspelarar i Sagvåg/Litlabø området. Noko dei klarte å få til.

Håkon er fortsatt aktiv som dommar i Solid, og Egil er er trenar for J13-3.
Solid Handball har i dag 11 lag i seriespel, og eit lag som berre trenar og gledar seg til handballfestivalen. Dei fleste laga spelar i Region Sørvest, men dei yngste jentelaga spelar i Region Vest serien.
Me har ca 130 spelarar i alderen 9 - 13 år.

Dei siste åra har det vore litt vanskeleg å halda på spelarane våre når dei kjem opp i 14-15 års alder. Dette på grunn av mangel på vaksne trenarar og kanskje og treningsforholda me har i Litlabøhallen.
Me har eit godt samarbeid med Stord, så mange går då over til den klubben og fortsett der.
Mange talentfulle spelarar på Stord, har starta si handballkarriere i Solid.

Me har mange flinke foreldre som stiller opp som trenarar og oppmenn, men me kunne tenkt oss fleire vaksne trenarar  og dommarar til klubben vår.
Treningsforholda i Litlabøhallen, blir berre verre for kvart år, men no har hovedlaget i Solid fått i gang ei prosjektgruppe som jobbar med å få byggja ein ny hall ved sida av kunstgrasbanen i Hustredalen. Så me håpar at om nokre år kan me flytta inn i ny hall.